المنولوج / تلاتة من حارة الطنبوكشي
الكلمات
كان فيه تلاتة من حارة الطنبوكشي
اتنين عمي وواحد مابيشوفشي
قام اللي مابيشوفشي لقي تلاتة ريال
اتنين براني وواحد مابيروحشي
قام اللي ما بيروحشي اشتري بيهم تلات وزات
اتنين طاروا وواحدة ماقعدتشي
قام اللي ما قعدتشي حطوها في تلات طواجن
اتنين اتكسروا وواحد مافيهشي
قام اللي ما فيهشي دخلوه الفرن
اتنين اتحرقوا وواحد ماطلعشي
قام اللي ماطلعشي قعدوا ياكلوا فيه
اتنين غضبوا وواحد ما أكلشي
قام اللي ما أكلشي راح يغسل ايديه
إيد زفرة والتانية مانشفتشي
لكن حيغسل إيه من إيه
إن كان كل اللي اتقال ما حصلشي
ليست هناك تعليقات:
إرسال تعليق