المنولوج / اصلي مؤدب
الكلمات
أصلى مؤدب
ألف قضيّة وألف رزيّة
يوماتى يجونى
من أحبابى ومن أصحابى
واللى جابونى
ليه عشان ايه أصلى مؤدب
يوم تلاتين فى الشهر تصوّر تبقى انا حالتى جنسها إيه
أتعب واشقى وافضل ادوّر على شلنات ع الشابو يا بيه
بعد ما اساعى ومد دراعى
ألقى صديق بحبوح يدينى
إيه بتمشى رايح اتعشى
ألتقى صاحب مستنينى
يشتكى حاله وبؤس عياله
ويمثل لى روايته بشكل
يلهف منى غصبٍ عنى
شلنى وابات انا من غير أكل
ليه عشان ايه وادّيله ليه
أصلى مؤدب
ييجى واحد يستفرد بيا مغرور فاهم نفسه خفيف
وعليه دم بيلطش مية وينكّت واسمع يا لطيف
بعد شوية يطب عليا
واحد تانى عامللى مغنى
ويغنيلى عينى يا ليلى
ويقوللى اتفرج على فنى
حسه يخلى الطوب يتألم ويقول له ارحمنى من الضرب
والشمس تغيم وتضلم تهرب م الشرق على الغرب
ليه عشان ايه واسمعه ليه
أصلى مؤدب
على كده لما يقولوا عليا مجنون ودّوه المجاذيب
أبقى اتلهى على نن عنيا واروح الخنكة اكمنّى أديب
لو يقابلنى حانوتى يشيلنى
على أى قرافة يودينى
أختشى برضه واحقق غرضه
واروح القبر واقول له أدينى
واخطب زوجة وتطلع عوجة
ومخلّفة سِتَّاشر شابّ
قال واحايلها واقول يا جمالها
دى الدنيا عشانك تتحبّ
ليه عشان ايه كل دا ليه
أصلى مغفل
اسماعيل يس وزمن الفن الجميل
ردحذفكلمات روعة
ردحذفسابق عصره
ردحذف