كلمات اغنية شادية ( القلب معاك )

المطرب / شادية

المؤلف / فتحي قوره

الملحن / منير مراد

الكلمات

القلب معاك ثانية ف ثانية لو حتى تروح آخر الدنيا
فرّحته معاك أول فــرحة مشـــتاق وحياتك للتانية
ده أنا قلبي معاك

أنا ح ابعت روحي تهيم حواليك  عالبعد عشان تفتن لي عليك
بتكلم مين وتبص لـــمــين  في غيابي ومين حليت في عينيك
إياك إياك
لابقى مخصماك 
أنا قلبي معاك لو حتى تروح اخر الدنيا

ح أبعت لك كل دقيقة ســــلام  من ســـاعة ما أصحى لحد ما نام
وح أقضي اليوم من بعد اليوم  على فات كم يوم وفاضل لك كام
بس توعى تغيب
يا أعز حبيب 
أنا قلبي معاك لو حتى تروح اخر الدنيا

العين بتقول لي رح اعمل إيه  وأنا لســـه معاه واشــــتقت إليه
والقلب خلاص بيقول لي خلاص  من بكرا خلاص أنا ملك ايديه
اياك تنساه
وتزيد له قساه 
أنا قلبي معاك لو حتى تروح اخر الدنيا